مروة فرحات – مصر
صحاني نص الليل
تعالي نتكلم
واديني بوسه بسرعة ع الماشي
طيب لازمتها ايه
دى يا ستي لجل الليل ما يدراشي
بالرغي نص الليل
انا أولا بحبك
بقولها طول اليوم
وبرضه بتصحيني
هو انتي بتحبيني؟
طبعا وهحب مين
يا سنين حنين وحاجات
حكايات رماها القمر
علي كفي نور مبدور
حب وعبير وزهور
كحلي اللي ملي عيني
طب تعرف انت ايه
كل الحاجات الحلوه ف الدنيا
مزيكا تسرح ييجي منها ربيع
وحياه ولما تغيب
كل الحياه بتضيع
صوتك بيغزل م القمر حكايات
بتدفي شوق عيني
يكبس عليا النوم
ترجع تصحيني
