نهال محسن – المنصورة - مصر
قررت أبدأ حياتي جديد وكاني لسه معشتهاش
وأنسي اللي فات كده من سكات
خدت القرار ومبدّهاش
وتشوفني متعرفنيش
انتِي نهال؟؟؟
أيوه أنا ... حقيقي ولا أي اندهاش
اتغيرتي ؟؟ .. قول: اتطوّرتي
نسيت الماضي اللي ما يتعاش
ليه هبقي عليه وافتكره ليه
ما انسي اللي فات
بالحلو والمر اللي فيه
يمكن أقابل ناس تانيه
تصالحني علي حالي والدنيا
يمكن أبطَّل اكتب شجن
يمكن أتفق أنا والزمن
واعقد صفقه مع الأيام
نمضي سوا معاهدة سلام
وتضحكلي .. وتندهني
وألبِّي نداها من قلبي
معاهده مش محكومه بوقت
تدوم شروطها سنين وسنين
بكل حماسي مضيت وبَصَمت
يامحلى الزمن لما يصالحك
لما يرضيك ويرضا عنك
شو حلو نسيان الماضي.. وسنين راحت فِ الفاضي
اعمِلّكْ معاهده مع الزمن
بطل زيي تكتب شجن
وابدأ حياتك من جديد وكإنك لسه معشتهاش
وانسي اللي فات .. كده من سكات
خد القرار .. ده مبدّهاش
