أسامة أيمن أسعد - مصر
بلاش نكره
بحق الباقى
ف قلوبنا
بلاش نكره
بلاش الفرقة
و الاطماع بلاش
الحرب
وهيا الفرقة
ليه هتكون
واصل
الناس بكل
أجناس
ف شرق
وغرب
واحد بس
لا فينا اللى امتداد
لملاك
ولا واحد أبوه شيطان
وكله ف خلقته انسان
ورب الكون
خلقنا أشكال
خلقنا ألوان
ملل أديان
م اصل الاختلاف
سنه
وفطرة قديمة من
آدم
ومن ايامه
فينا الخير
وفينا الشر
وبأدينا الخراب
ظاهر ف قلب
البحر و يا البر
وفينا اللى
بضعفه سجين
وفينا اللى بقوه
اتغر
بدون م نخش ف التفاصيل
ونحكى ف حكى فاضى
طويل
م تيجو ندوب الخلافات
يشيع الحب ف الأوقات
و جوا نفوس
وجوا بيوت
يموت الكره ف قلوبنا
بعلو الصوت
نحارب كل أسبابه
يا ناس الكره ديب
اسود مخوفنا كدا بنابه
يا ناس فوقوا
دا كل جميل بيتجمل
بأحبابه
وورد الكون ملوش لازمة
بدون عشاق
يا ناس الحب مش سلعة
ف قلب أسواق
داشئ فينا
ف أحلامنا و اغانينا
ف صوت الفرحة ف قلوبنا
بلون الدمعة ف عنينا
لأجل الغير
يا ناس الحب
هوا الخير
يا ناس الحب نهر كبير
بيروينا
بيسقينا ومش بيجف
شعور بيلف
ع المخاليق
ويبقى الوسع وقت الضيق
يمد لنا الامل بكرة
يخليلنا الحياة فكرة
أساسها الحب
بلاش نكره
عشان نسعد
عشان نفرح ف كل
مكان
ف كل زمان
ف كل انسان يسود الحب
بطيبة قلب
بالأحلام
بضي كلام كتير معناه
بلاش نكره
كلمات
