بدر حمد الضاحي البهلولي – سلطنة عمان
المـسار وخــدعـة الضـّي وظـنونـي
والظـــلام وعـــثــرة الحــــظّ العـقيـم
وإن تبـادى نــور.. مسـكينه عـيونـي
جـــرّهـا كـذب الســّراب مـن العـتيـم
الـدّروب وحـوش مـا تنهـش متونـي
مشـبــعـتــها متــونـــه الحــلم اليتـيـم
والظّـروف وشلّـة الـمرضى وكـوني
مـا دروا بــأن التـّعــاون ذا أثـيــم؟!!
كلّـمـا فـجـّيـت وجــهه حـاصــرونـي
وانفخـوا عـظم اﻷمـل عـقب الـرّمـيم
وكـلـّمـا صبـري يـنـاضـلهم رمـونـي
واضـربوا عـقـر اﻷمـانـي فالصّـميم
وإن تعكـّز بالعـزم يأسـي.. أمهلونـي
الـذّيــاب تـغــير ع الصــّيد الــولـيـم
هـبّـت ريـاح السّـنـين وطــاح لـونـي
واعـترى وجهـي مـن اﻷحـزان غـيم
وانسكبت بكـفّ صـبري واشـربونـي
عـلّنـي بكـبــودهم نـــار وحــمـيــم
كـم حفرت بـأرض ذكراي وجـنوني
هـي من عقوقـي وخـطوات الرّجـيم?
هـي صلاتي يـوم كانت مـن جفـوني
تـرتعـب لا جـيت أبـى أنـويهـا واقـيم?
هي من الرفعه على مـن كـان دونـي
أو باﻷحـرى كـنــت دونــه.. للفـهـيـم
هـي سـداد ديـون؟ مـكثرهـا ديـونـي
مـا يمـحّـيهـا ســوى ربٍ رحــيم
رحـمـتـك ربّــي قـبــل لا يـدفـنـونـي
مــا عـلى الـدّنـيـا خـلــود ولا مـقـيـم
عـلّ بـأوجاع البلاء وخدعة ظنـونـي
أنّـعـت صـابـر وذو حـظٍّ عـظيـم
