مريم المداوي – ظُفار - سلطنة عُمان

يمه كل الكلام في غيبتك والحروف  مالها لذة!!!
يمه ثلاث حروف تنسيني الشقى
تحسسني أمان الجوف، تدفيني الشتاء في عز برده
تغذي لهفتي والروح
تداوي قلبي المجروح،
تعانقني بحضن كله حنين ومودة
ماغيرك ملكتي داخلي وكلي
ياقلب بنتك وشريانه ونبضه
من غيرك سهر ليله لجل بنته
بدونك دنيتي والله مالها لذة
دنيا بليا وجودك وش يحليها!!
بيت بلا حسك كيف اسكن به!!
عينً بلا شوفك كيف ابصر به!!
درب بلا نورك كيف امشي به
فدوتك روحي..
فدوتك عمري إن كان لي بعدك عمر..
يا فلي وياسميني ودهن عودي
وحشتني ريحته كيف اوصل له!!
يمه ثلاث حروف
تداوي علتي والجوف
 تطوقني رغم كل الظروف
تعوذني من كل شر وخوف يمه
كل الكلام والحروف في غيبتك مالها لذة