نهال محسن | مصر
لو قلبك طيب امشي وراه
واياك تفكر وانت معاه
ولا تسأله رايح علي فين
ولاَّ طريق الرَّجعه منين
اوعا تقوِّيه ، ولاَّ تقسيه
رجلك علي رجله واديكو ماشيين
مهو طول مهو طيب اوعا تخاف
صدقني ، ده ف آخر المطاف
هتلاقي بستان ، راحه وأمان
قلبك نعمه
لا تغيرها ،، أو تخسرها
قوم اتحرك
امشي ورا البوصله وعقربها
ده القلوب المريضه بتحسدك
حافظ بالأوي علي نعمتك
ده قلبك كنز ملوهش تمن
نادر وجوده ب ده الزمن
صدّقه يا طيب وامشي وراه
واياك تفكر انت معاه
