الخميس, 20 سبتمبر 2018

نهار طالع في قلب الشمس

الخميس 06 سبتمبر 2018 08:17 ص بتوقيت مسقط

نهار طالع  في قلب الشمس


أحمد أبو سنة - مصر


أنا الشاعر
بلون في القمر بالليل
وازود ع الحروف  الهمس
واشوفها في قفلة المواويل
نهار طالع  في قلب الشمس
وانا اللي بدوب الاحبار
واغير في القلم والسن
وانا اللي رسمت بالاشعار
وجوه تضحك
وقلب يأن
وانا اللي بفسر الاحلام
وتتحقق
وانا اللي بجسد الاوهام
ومع ذلك بتتصدق
فإيه مني هيبقالي  ؟!
غير الكلمه علي كام حرف
وكام ورقه في كام دفتر
وكام ذكري في قلب جواب
ينام يحضن حروف الظرف
وانا الشاعر بعيش ازمان
الملم  من قلوب الوان
اذوق بيها ليل قلبي
واسرح بيها اشعاري
واجهز في القصيدة مكان
يكون داري
يكون عنوان