أحمد أبو سنة – مصر
وقالك لما تديلك
بتاخد منك الراحه
ومهما تعيش وتحكيلك
بتبقي في سكه رواحه
فتفضل تجري ورا منها
ودينك يبقي من دينها
فمهما بتدي مش كافي
فتفضل تجري لو حافي
وفجأة تبص علي نفسك
تلاقي اليوم سرق أمسك
فتسكت لحظه وتراجع
لعمر وراح ماهوش راجع
ولا هيفيد في وقتيها
حكايه تعيد وتحكيها
عشان الناس خلاص فاتهم
وجودك ملغي في حياتهم
خلاص نسيوا زمان صوتك
ولو مره جت السيره
ثواني وكله بيفوتك
بقيت باهت في حكاويهم
ومش فاكرين ولاحكايه
سجين حلمك بلا غايه
بقيت منسي .........
فقوم امشي ... وبكفايه
