عبد الله الحكماني – سلطنة عمان
(1)
يا ربّ تـغفـر لي ذنوبـي وانت غفّـار الذنـوب
من غـيرك الّلي لا لصـق ثوبي عَلَيّ استغفره؟
مالـت بي الـدنيا كـما غصنـن تمـايل فالهـبوب
وابليـس خـلّانـي مـع الأيّـام خـاتـم خـنـصـره!
(2)
يا قـلبـي اللـي مـا توقّـف نزيفـه
من جـرح غالي ماعـرف قدر غـالي
كنت احـسب أنّـي بي اصـابه طفيفـه
ما كنت متـوقّع ألم فالتـوالي
ورغم الجـروح المؤلـمات الكليـفه
من صاحبي / مازال صوبه رحالي
وعـيني عليـه ونيّتـي له نظيفـه
واغفر خـطاه ولـو بحجم الجبالي
لانّه البحـر الجـمالي وسِيفـه
والمتّسـم بالنـادره و المثـالي
والمحتكـر حـبّي وعـقلي وطيفـه
واول خـيـالي التقـيه ابخـيالي
من هـو يغـطّي موقـعه واستضيفه
ويجـيرني مـن مجـريات الليـالي
ما شـفت غيره فالعـذارى خليفه
يحيى معي، وان مـات بيمـوت فـالي
