شِيخَة عبد الله الفَجريّ – سلطنة عمان

........................
(1)
قبل ما تلبس ثياب العيد..
 حاسب
انته خاسر.. واللا كاسب؟
 الغضب فيه اعوجاج
وانته بيتك من زجاج
ومثل ما تفعل تجازى
ومثل ما تعتب.. تعاتب
لا تحارب
لا تحارب
لا تحارب
للطفولة حق ..والديان وافي
والزمن مقبل .. وجافي
وكلما زادت جروح الناس
احذر
ما يتبخر حق طالب
للحقوق حلوق .. والأيام تترى
وللحزانى ألف باب وألف مسرى
ويااللي تكتب. . يااللي تقرا
لدعوة المظلوم والمضيوم .. حاااااااااسب.  
(2)
ربي
ربي
ربي
هذا الجرح جارف
وانته سامع
وانته شايف
ربي
خانقني الكلام
وبعد هذا الدمع خايف
ينطفي شمع السلام
ونرجع لحكم الظلام
  والله خانقني الكلام
وانته شايف
(3)
أيش أقول؟
وأيش أخلي
وش بقى لهالشّيب
قل لي؟!
ساكنة ف العين غصة
وف الوجه مليوووون قصة
أما جرح الروح ثابت
كنه ظلي  
أيش أقول وأيش أخلي؟
لا كلام.. ولا ملام
ولا حمام ولا سلام
بس يجينا طير يااللي
أيش أقول وأيش أخلي
 لو تعرف الشيب
قل لي.
(4)
وأنت تخطو لهالشواطي
اكتب اسمي
حالمة بضي النهار
 وكوس وسمي
هالشواطي عطر نادر
يشفي قلوب وخواطر
واللا سحر الصخر وحده
جنااااان رسمي
لا أتردد من تزور العشق هذا
اكتب اسمي

(5)
يا خاينة
كل الحكاوي في عيونك
 باينة
يا ذابحتني من الوريد
قولي بعد أيش الجديد؟
طعنات غدرك لي تزيد
وآهات قلبي واهنة
///
يا خاينة
آخر حياتي يجيني فيل!
وأضيع أنا في قال وقيل؟
هل للوفاء  عندك سبيل؟
///
يا خاينة
أيش فيها لو جبتي لي ديك
ويكبر ف عزك بين ايديك
آ يا شماتة ظاظا فيك  
وانتي سمعتك شاينة