عبد الله سعود الحكماني| سلطنة عُمان
يا الهي / والزمن ما به ضمان
لو تبسّم لك وحطّك رمْش عين
//
ياخذك كفّه الى اللا حنان
ويتعاظم في مساحاتك حنين
//
لا تقدّم سفن عمرك للرهان
يبعد الشطآن ويضيع السفين
//
ها انا واقف على بر الامان
من ليال ومن شهور ومن سنين
//
للسعاده امتطي صهوة حصان
والاناسه ثوبها فوقي يزين
//
ما دريت انّي هدف راس السنان
لين ما كبدي توسّطها السنين
//
واستويت ابلا زمان ولا مكان
في حدودي ما تحرّك خطوتين
//
كالحسافه من بعد فوت الاوان
احسب الايام والايام وين
//
ما يفرّجني سوى صوت الاذان
ان سمعته من قلوب المسلمين
وامتثل له مثلما طوع البنان
ويتخالط مع سجودي دعوتين
