رشا فؤاد | مصر
خليك بسيط
لما المطر يبتسم
ع الأرض ليك
أنا لسه سامعاه بيسألك
بليت شفايفك بالحياه
إياك تطنش
فرحته ف لمعة عينيك
جواه وطن
يروى الأراضى العطشانين
ماتخافش لو يوم راح غصب
أصل السما بيته القديم
والسحابه حنينه
ازاى تحوش الرزق عنا
واحنا ليها محتاجين
لما الجروح اتكومت
جوه الشتا
علشان نفوق
نعطش بجد
فنرتوى من غير مطر
من غير ترجى للسما
كفاينا لحظات انتظار
كفانيا راكنه ع الرصيف
بتقول ياريت
