عواطف العامري | مسقط
ابشرك ياوليف الصدر ترى جفت من الطل الحال
عيت اعدلها و الطريق زادت مشابيكه و لاح ضيه
//
من وين ما رحت طحت ورجعت ..اهجد واجتال
يازمن العجايب تكفى طلبتك غير محاويلي الغيه
//
صرت متبلد .. وناقصني كل شي فيني وعجز ينشال
كنت عايش بحب واريحيه واليوم ادورني من البقيه
//
ضحكتي.. راحت بعيد وانا الوح بيدي وشعوري يغتال
منفطر حالي وانا تعبت اقابل انس ومخاليق باكيه
//
صار عنواني مظاليل ودروبي هجور وكل شي يستحال
موزون بشويش الأمل بس توه صغير وقطوفه حانيه
//
يا لآآآآه ..يالي تنشهق بعالي الصوت فيك الامل يعتال
ادركيني .. قبل فوات الآوان والبسي مشاعري الحافيه
//
بسرمد الليل وسواده امشى وأسمع تهاويذك تختال
لا زال صوتك مرايا و مازال الامل تقهري ظروفي العاتيه
