ما انساك


عواطف العامري | مسقط

كثر ماقلت ابا انساك ماانساك
كثر ماروحك تمر ببالي واترجاك
انا أضماك ...
انا المغرم نزف جرحه ولا ينساك
انا المرهق المثقل هوى جلساك
انا أشجاك..
انا الصاحي والنايم بسهر  ليلاك
انا الواضح شبه مبهم على ذكراك
انا افداك..
كثر ما ناديتك البال ولا القاك
وكثر ما ذبل صوتي وهو لباك
انا اتحداك..
ولو كفوف الضم تتناسي محياك
وتنساني وتودعني بطرف يمناك
انا انساك..
ماانساك وتناساك ..ولو انساك
تنسى اني نسيت انسى واتناسك

 

تعليق عبر الفيس بوك