د. أحمد مرسى | مصر

الجوامع جنب بيتنا
والكنايس ف الميدان
//
دقت الاجراس بطيبه
سمّعت كل الجيران
//
إعزفي لحن الموده
وعطري كل المكان
//
واسألوا ف الدنيا عنا
 إحنا إخوات من زمان
//
والكنايس جنب بيتنا
والجوامع ف الميدان
//
نادي قول ( الله اكبر )
واصرخو بصوت الأدان
//
هو واحد رب واحد
هو يدينا الأمان
//
بس عيسى أو محمد
كل واحد له بيان
//
والكنايس والجوامع
جنب بيتنا وف الميدان
//
لو مسيحي ولاَّ مسلم
قلب واحد للحنان
//
خلي بالك يا ابن عمي
دا اللي بيدمر شيطان
//
وانت دمك هو دمي
مش ح اخونك مهما كان
//
مش ح اخاف إنك تخوني
أصل ابوك عمره ماخان
//
إحنا مصر ومصر إحنا
كلنا أهل وجيران