رشا فؤاد | مصر – شاعرة وفوتوغرافية
ضلك مش بقع دموع ع الوش
جبران خاطر.
مفتي الوجع
بيمشي المستحيل ف النور
همزة الوصل بتربط إشارت الرؤى
تحليل للخيال
خلت ضلوع حضن العيال
تفتح الدنيا سعاده فى الحصاله
فرقعت كل البالونات
تضحيه من نوع تمرد
على فكرة مكبوته
تعلن إن ضلك مش مسخ لرغبتك
فبلاش تكون علامه
لكى الزمن بالتجاعيد عليك
والحجه فترة نقاهه
توفقك حساب لروحك
يلا قيك الهامش فريسه
لسطر يتمناه
تكتب ورق جوه عزاك اجبارى
وأفتكر باقي السكه
مش متاهه لسذاجتك
زعلت
استفذاذك ف نص دايرة معلقاك برجل
حتمي
لتحديد خروجك من معتقلها
بزاويه مابتقبلش تهديد اتجاه
