نهال محسن | مصر
جوايا تصميم غريب احقق احلامي
وادوس علي اي عقبه هتقف قدامي
هصالح المستحيل واجيبه لحد عندي
شبيك لبيك .. نهار وليل هيقوللي
ومش هتنازل انا ابدا مره تانيه .
وهوصل لحلمي غصب عن الدنيا
اراده قويه ، لا تراجع لا استسلام
وكل خطواتي هتبقي للأمام
وهسهر ليالي و أجِد و أكِد
ومش هيوقفني عتاب اي حد
هيلوم ويحبط ويقلل العزيمه
هحارب وحلمي هيبقي الغنيمه
هعافر وآخدها دي اكبر جايزه
هعافر لحلمي وبيه انا فايزه
جوايا تصميم غريب احقق احلامي
وادوس علي اي عقبه هتقف قدامي
