خليفة حمد الحكماني | سلطنة عمان
القلب من يهوى المشاعر اتبيني
والحب ما يوزن بميزان وجياس
//
تبقى خيوط الشوق بين الثنيني
وانته بقيت ابداخلي باني الساس
//
عينك تجنت يوم طاحت بعيني
واتاثرت كل الجوارح والاحساس
//
صرت اترقب منك خبرن اييني
وازمت في حيره يابو عود مياس
//
عيني تناظر بالغصن شوب تيني
بستانه امسوّر وحاطوه حراس
//
ممشوق طول ومالخواصر اتليني
شوفك حبس حسي وغلّقت لنفاس
//
ياغلى الجواهر انت نوعك ثميني
صافي واغلى من ملابيس للاماس
