نهال محسن | مصر

وطالت دقايق الانتظار
والاشاره حمرا
وف لحظه خطرتلي افكار
الفكره ورا الفكره
فكرت ف حياتي أوام
ولاقتها اوي راكده
قلت لنفسي انت عايش ليه؟
ايه الي لغيرك بتديه؟
بتزيد للدنيا ولا زايد عليها؟
عايش في ساقيه وبتلف فيها
وفايتك حب وود الناس
وهَمَس قلبي في وداني
"من غيرهم الجنه ما تنداس"
وللاَّ ياقلبي عندك حق
الساقيه ماشيه خلاص بالزق
وما عاد فالعمر قد الي راح
حقي بقي افصل وارتاح
وافتكر اني بشر
قبل ما ادبل و وانكِسِر
وعملت pause للروتين
مش مهم ازاي و فين
واديت لروحي حقها
أحييت فيها و جمّلتها
صدقني و اسمع مني
افصل ،، ارقص ،، غنِّي
منتا لازم كل فتره
تعيد حساباتك في اشاره حمرا