عبد الله الحجري – سلطنة عمان
فاقد طيوفك يالغلا بو قد مملوح
حتى زهت كالبرق من بين السحابه
//
أرهنت عمري له وفاء والحال مذبوح
أرحم محبن زاد شوقه وانعجابه
//
أهديك يا قلبي غلا والدمع مفضوح
وأهديك روحن طاهره لون الضبابه
//
يا آسري في حبكم لك شيك مفتوح
بالحب ما ينفد رصيده من حسابه
//
آمر تدلل لي فداك القلب والروح
وأن رحت عنّي فاق جرحي والتهابه
//
أنظر لحالي بعد هجرك زاد لجروح
بعد اللقاء والأنس مع طول الرحابه
//
يا طير قم ودّ الخبر بو شعر منضوح
اللي جماله مكتسي عز ومهابه
//
قلّه ترى من نار بعدك صار ملفوح
أعطف شوي بالمختصر هوّن صعابه
