أسامة أيمن أسعد - مصر

جدتى جات يوم قالتلى
اما يا ابنى ايامكو سودة
الجواز اصبح خيالى
والعريس مش لاقى اوضة
والعروسة عاوزة
شبكة
والاهالى عاوزة مهر
يبقى يعنى
بسعر بكرة
او مهية الف شهر
يعنى طبعا
مش غريبة تبقى
بين المديونين
وانت
قيمتك مش
ف شخصك
المهم انت ابن مين
يعنى لازم
تبقى واحد م الجماعة
المكبوسين
بالمظاهر
و القيافة
مش تقولى موظفين
مهما كانت يوم
وظيفتك
المهم القرش
يا با
هيا يعنى البنت
لعبة وللا
كانت للغلابة؟؟
الجواز
مش لعبة يا ابنى
المهم تكون مريش
يعنى تبقى مالى
ايدك
مرة واحدة عشان
تكيش
اوعى يا ابنى
تكون مراوغ
او تفكر يوم
تفاصل
الاهالى صحاب
مبادئ
بس يعني
الشئ مراحل
ف البدايه يقولوا
طبعا انهم شاريينه
راجل
والفلوس مش كل
حاجة لما
يبقى القلب قابل
ثم لما الامر
بيبدأ
تبتدى تلقى الكلام
يا ابنى احنا
فرحنا لازم
يبقى شئ قد المقام !!!
يعنى احسن
من فلانة بنت
اختك يا ابتسام
وابتسام مش
حد تافه
 و اللى
باين دى المدام
دى جناب ام
العروسة
يعنى طبعا حد هام
والفرح
في اوتيل يا سادة
يعنى برضوا خراب بيوت
والعريس
من كتر غيظة
يبقى نفسه يروح يموت
اما يا ابنى
الشقة طبعا ديا زوقك
وانت حر
بس طبعا تبقى برحة
يعنى حتما شئ يسر
و الاوض طبعا هتبدأ
من تلاتة و انتا طالع
اربعة او خمسة ماشى
بس تبقى كبيرة...سامع
بنتنا ف اللبس شيك
بنتنا ف اللبس موضة
يعنى يبقى اللبس ماركة
مش خياطة عم حودة
عم حودة حد طيب
ترزى يعنى وايده حلوة
بس ليه انا بحكى عنه
اسمعوا دا انا عندى بلوة
المهم
يتم قولهم والجواز
يصبح حقيقة
و الحياة بتعدى بينا
يمكن اسرع م الدقيقة
نلقى طبعا
حاجة تانية
واللى عدى طيش وخيبة
الجواز يا خوانا
سنة يعنى حاجة
وليها هيبة
الجواز لو
صفقة طبعا
الحياة هتكون كئيبة
الحياة هتكون
حزينة
من شبابنا
لحد شيبة
بالمشاكل واللى
حاصل
تبقى طبعا 100 ندامة [ميت ندامة]

جدتى قالت كلامها
بس طبعا ساب علامة
و الكلام مش بس
ليا فى الحياة مليون اسامة
نفسوا يرجع يوم جوازنا
زى اصلة وزى ما كان
نفسو يرجع فرحة حلوة
زى جواز ايام زمان
الفلوس مش كل حاجة
والاهالى بس تفهم
والعريس مش بنك طبعا
او مؤكد يبقى منجم
العريس انسان وحقة
الاهالى ليه تقدر
والمهور والشبكة
تبقى قد حاله
وزى م يقدر
ف النهاية انا نفسى
طبعا الاهالى يفوقوا
اكتر
يبقوا اسهل ف المطالب
مش ضرورى العبء يكبر
يبقوا اسهل ف المطالب
مش ضرورى العبء يكبر