أحمد الجحفلي – سلطنة عمان
خذني فعينك بوح يا أول البوح
أوقد جروحي وابتهل في جبيني
//
أخاف برد الروح ياسلوة الروح
لا أمطرت تبتل جدران طيني
//
خلي السلام يحل في مهمه الدوح
استل رمشك واطعن الصمت فيني
//
أبحر حبيبي مثلما باخرة نوح
واقرأ تفاصيل الوله في أنيني
//
أطوي عبابي نوخذا وصدري اللوح
واجمع شتاتي من شمال ويميني
//
خذني شقاوة ريح في شط ملفوح
وانفاس ليلن طال كانه سجيني
//
انا بقايا صبح يتساقط جروح
بي كبرياء يصهر شظايا حنيني
//
وانا مراية حلم في رمشها نوح
وآخر مدينة شوق للعاشقيني
//
الحب في عين المحبين مفضوح
ماشفت ياسيد الغنادير عيني؟
