عبد الله بن سعود الحكماني – سلطنة عمان
لي حـبهــا قصـتــه فـاتـــت كـبـار الـــرواة
وبجرحــها ينـبري جـرح الغـرام القـديم
دارت عقارب غلاها وحان فرض الصلاة
والليــل نــادى ظــلامه واستــفز العـتيم
وأنــا مســافــر عــشق من الجــذر للنـــواة
لكنــني بالغــصب صــليت معــها مقــيم
حـتـى تـركـت الـرحــايل والتــزمت المشاة
مـن نقطــتك يالألــم يلــين حــلـم الأليــم
مــا بيـني وبـين نفــسي مشــركين و رمــاة
من غير نصر وهزيمـه مالشـفق للهزيم
وعلــى هــوامش غـرام وحـلم وصل وحياة
اوقـف وجـل الأمـاني مـوغله فـالسـديـم
أرقــب طـلـوع الأهــلّه خـلـف أحــرف أداة
نصـب الجـمال الحقيقي وجر قلب اليتيم
وابحـر محـيط العيــون بدون قــارب نجــاة
مع حوت يونس وحالي هوب حاله كظيم
بــين الحـــقـــول الــوفــيره أنـتــقل بالــدواة
ويضيـع طفـل المشـاعر مع عليل النسيم
واسمـع طنـين النحـل من فـوق زهـر الشفاة
وينادم الصمت صوت المستربّ الرخيم
الوضــع مــربك وذيبــي هــاب ظــلّ المهاة
والحـزن فيـني تفجّـر من صميم الصميم
يمناي ســرب القطــا ويسراي سيف الطغاة
والنـاقـديـن استشـفوا هـنـاك راوي عليـم
مـن يهتــديبي شــراتك يــا ســـراج الهـــداة
ما دام نـادم علـى فهـرسك يـا ابـن النديم
ألقـيت فـاليــمّ قلبــي عــن عــيون الــوشــاة
وارسلـت عـيني تمـثّل دور أخـت الكليـم
