مصعب الفياض - الصقلاويّة - العراق
شريعة خوف
ووجوه الكناطر شاحبات جروف
لا عنوان ضل بوجه ناسي ولا
شفت بلسانهم طركعة صوت حروف
يشباج السجن
چم حلم يمك مات
چم فرة جدم تطلك بشارع زين
چم جف بظهر مسجون ضل مجتوف
ضحكو علكمر خلو ينام ليل
بس ما حسبو عين النجوم تشوف
يا هندس حجي امنلصنته يطلع صوت
وره الكصبات يتراجف
صفه المشحوف
مثل هدت نمل علطير من يطيح
علي هدو وجنوني رفوف يابو رفوف
ما ضل حيد هليوكف بوجه ال لا
الشوارب نايمه ويناتر المنتوف
الله اليعلم شگد علسواتر راح
شاب بعمر ضحكه واوف
تعرفني المكابر من بعيد تصيح
يوميه ازفلها ورد مكطوف
باكو عمري حسره وشهكه تالي الليل
والغبشه صفيت كطوف
توجع والهوه يچفل اردان الماي
ماشي اويه البلم زافوف
زفينه الفشگ علتفگه جن عرسان
وشفنه الدم نزل
وفرحت ام اعريف
بتها وللشرف قبله وعليها اطوف
راعي وافتهم صوت الشياه منين
وفرزن حصتي وعرفهن تره امن الصوف
وهدوني ابلم
وتلاكفاني الروج
ولا مجداف يمي والبلم مزروف
وقريت الفاتحه
وصلى الكصب علماي
وتلاطم البردي ومابقتله چفوف
