موزة المعمرية
قربت فرحة العيد
والعيد دونك سَعَرْ
***
أدوَّر ريحتِك بالعيد
ما ألقى غير الصبرْ
***
كل شي تلاشى معك
كل شي رحل سِفيرْ
***
العيد، فرحة العيد
عطر العيد، ثوب الهَجرْ
***
أشتاق لبوس اليدين
وكل عام وأنت بخير يا الذخرْ
***
وعيدية اليدين وفرحة عُمر
وأكلة العيد تحلى بخبرْ
***
مِنِّك على سفرة العيد
وسواليفك كلها دُرَرْ
***
غبت وغابت فرحة العيد
هي أقدار كتبت قبل بدهرْ
***
وعسى حياتك يبه
عند ربك جنة ونهرْ
***
سعد وفرح نِعْم ونعيم
رَيح وريحان وقصر عمور
***
والحمد لله على كل ما جاب
والحمد لله على كل القدرْ
