رشا فؤاد | مصر
خدلك نفس
واحد
إتنين
تلاته...............
شد الشهيق ع الوتر اللى فاضل ف قلبى
من زفيرك غنا...
إضحك حبه من تفاصيلى على وشك
الغرقان ف حضنى
ياااااااااااااااه........
شكلنا ع الموج
بنعوم ف الموسيقى كورال
أعزف روحى من نغم التشيلو... كلاسيك
وإشترى الذكريات بالجمله ع النوته
دو رى مى .. ... خسارة!!
إتسرق الباقى م السلم ف اختصار اللحن
عيااااااااااااااااااااااااط.............
يمكن نضم المشهد المحذوف
باستدعاء ملوك اللحن ع الدوماجير قصيدة