عبد الله بن سليمان الحجري – سلطنة عُمان
يا حزن في قلـــبي وصــل حــدّه وحتى منتهاه
الله يا دمعــن جـرى مـن قلـب نـازف بالدمـوع
يا ليــت روحــي طالعــه قبلــه تــرك دار الفناه
ياليت سمعي ما يصدق لي جرى قلبي صدوع
يا بـوي يا غــالي علي ليــتك على قــيد الحــياه
أو ليت أعطي جل عمـري لجل يحيا لي سبوع
أواه يـا غــيــمن مغطــي دنـــيتي مالــي ســـواه
أحلى نطـق من شفتي كلمة (أبي) بين الضلوع
أبكي على نعشــن غــدى وسط المقـابر لـي بكاه
حــبر قلمـي قبـل الغـوالي أذرفـن أشـكال نـوع
أبكي كـــريمن طيبــن غيـثن سموحـن في ثـراه
الفــارس الصـنديـد ذكـره والصـميدع والقنــوع
فيه المــروة والتواضــع والكـــرم ما حـد شـراه
راح الحـــزام اللي عضــدنا كلـــنا قــبل الطلـوع
لهفي على الغالي على العالي على حالي غلاه
لهفي علـى قلبــه على روحـه على طيب السنوع
يا ويح نفسي من رحل تأسـرني الذكرى معـاه
ضاقت بنا كل السـبل كل الفيــافي غـصْب طـوع
سمحـن جـنابه دوم يضحـك ليتــنا كلنــا فـــداه
قمـنا نعــزي كل واحـــد والحـــزن فيـــنا قبــوع
ونات في قلبـــي لعــته يا عــسى الجنـه عساه
والحــور جــعله مع حــريرن سلسبـيلن دون جوع
حطوه في لحدن طلبت الرب في عـالي سمــاه
لي يرحمــه في جـــنة الفــردوس لـه طاها شفــوع
