أحمد رجب سلامة – مصر
رافض بلال
يخرج يأذن للصلاه
والمؤمنين
خارج حدود الرضا
رغم ادعاء الأمر بالمعروف
كالموت ..
إذا صاب القلوب
وقت انتشار الدم
ف الأورده
كان الأمان موجود
سيطر عليه الخوف
والحلم بالنسبالي كان
طوق النجاه
كافر طواغيت الأمم
وإيماني كان بالله
متعشموش الروح
إذا عاشت
ومتشمتوش ف الروح
إذا ماتت
ومتظلموش الروح
ف كل أوان
إبليس عشان آدم
وسوس تراب الأرض
واتمني من ربنا
يرجيه ليوم العرض
نال المراد
زهدوا العباد
عن طاعة الرحمن
وعن اكتمال الفرض
يا عشمانين توبه
يا راغبين ف الوصل
ملعون ابوها الصور
باهته بلا جدوي
متضيعوش الأصل
نور الوجوه معنوي
خارج حدود اللون
واكبر دليل النبي
صاحبه بلال أسمر
نور إيمانه الكون
فمتحكموش ع الخلق
من شكلها
أو تجهلوا المضمون
إبليس عشان آدم
حارب طاقات عظمي
أقسم بعزة ربنا
ل يضل كل الخلق
خرج أبونا وأمنا
م الجنه رغم انهم
كان ف استطاعتهم
خلود
لو قالوا كلمة لأ
يا هل ترى الجنه
عشمانه ف وجودنا
يا هل ترى وفينا
مع ربنا وعودنا
يا هل ترى ادم
لساته بيننا حى
ولا اما مات ادم
ابليس بقى سيدنا !
