مسقط- الرؤية

احتل وسم( #بتقفل_حسابك_اذا_تزوجت ) المركز الأول في تريند عمان على تويتر اليوم ، وتضمن الاف من التغريدات والمشاركات الطريفة والساخرة للشباب ،وكذلك النصائح والتعليقات الجادة رداً على هذا السؤال الطريف،اضافة الى المشاركة بمقاطع فيديو ساخرة حول نفس المعنى.

وعلى سبيل المثال قالت عائشة العنزي: ليش اقفله انت تزوجت يعني اشتريت الغالي هو عارف مكانته وغلاته عندي كل الناس عندي بصوب وهو لوحدة عالم.

وقالت نوره المري : آنا بس خلني اتزوج وسكر حسابي ولا آبي جوال بعد ولا شي.

بدر زيدان: لا بحط  قفل وقلب جنب اسمي وبحذف كل اللي اتابعهم واقلب الحساب برايڤت واخلي الحب بروحها تسرح وتمرح.

ماري سلفونا : 70%من حالات الطلاق بسبب برامج التواصل الفسادي قصدي الاجتماعي..اخليه مفتوح لعيونه عشان يتقلعن عيونه.

ريم البلوشية: المفترص قبل ما اخاف من شريكي أخاف من ربي عشان اتجنب الوقوع في الخطأ وما دام اني م اخطأت مافي اي سبب يخليني اقفل.

احمد البلوشي: زوجتي لها خصوصية وانا لي خصوصية وما ندخل في (حريات) بعض ، مدري من اللي مفهمكم أن الزواج: مراقبة-تجسس-ملكية وتبعية؟

ريم العنزي: اذا كان اللي تزوجته *رجال* بمعنى الكلمه انا مستعده اشتري "بوليت".

نوال : لا بالله يحلم ..والله اذا فيه احد بيقفل حسابه هو اللي بيقفله لان انا احلل ع نفسي اتكلم مع ناس بس هو لا ما يصير أبد.

النوفلي : اللي قد الحب مستحيل يقفل شي من برامج التواصل الاجتماعي لأنه مستحيل يخون زوجته مع بنت ثانية لأنه أساساً هو قد الحب.

رويدا : بكيف ابو الشباب اذا قال لي قفليه سمعاً وطاعه عاد شنسوي مااقدر على الحب حقي انا.

عائشة : انا احس من حقه يعرف كل شيء عني وانا نفس الشئ الا ماضيه لا يقولي عنّه شيء لان يمكن يأثّر على مشاعرنا مدري صح علي كذا؟

سامي الهنائي: احب تكون فاتحه ع حسابي وانا فاتح ع حسابها نكون كتاب مفتوح لبعض التويتر اشبه بالمكان العام يجب ان نكون مع بعض فيه.

عبد الله : اذا  تزوجت اول شي بسويه.. بعطي زوجتي ورقه طولها مترين ..واقولها اكتبي الاشياء اللي قلتيها لأهلك وقالولك اذا تزوجتي .

محمد الحسني : عني انا ماراح اقفل حسابي بس يمكن اغير لوك الحساب

وانتم بتقفلون ولا ماراح تقفلون.

نجلاء: يسعدني أن زوجي المستقبلي يطلّع على حسابي و تغريداتي و يعرف من خلالها طريقة تفكيري و نظرتي للحياة و أنّا نفس الشيء.

مهند الشكري: انا بقفل حسابي اذا اتخرجت من الكلية.